Wokrjes Budyšin

na "Deklaraciju wotpohladow" so dojednali

04.12.2020

Sakske ministerstwo za wědomosć, kulturu a turizm, wokrjes Budyšin a Załožba za serbski lud su so na tak mjenowanu "Deklaraciju wotpohladow" dojednali

Zhromadna "Deklaracija wotpohladow" Sakskeho ministerstwa za wědomosć, kulturu a turizm, wokrjesa Budyšin a Załožby za serbski lud

Z tak mjenowanej "Deklaraciju wotpohladow" (letter of intent) su so Sakske ministerstwo za wědomosć, kulturu a turizm, wokrjes Budyšin a Załožba za serbski lud za wuske zhromadne dźěło a mjezsobnu podpěru při planowanju a přesadźenju projekta "Serbski forum wědy při Lawskim arealu" wuprajili.

Na Lawskim arealu je nowotwar planowany. Tutón nima so jenož z nowym domicilom za Serbski institut a Serbsku kulturnu informaciju stać, ale tež za Serbski muzej.

Wšitke tři strony chcedźa wšo za to činić, zo by so předewzaće jako projekt kraja po inwesticiskim zakonju za brunicowe regiony 2021 spěchowało.

"Ze zhromadnym projektom damy jasny signal, zo so strukturna změna we Łužicy ressorty přesahujo podpěruje", tak krajny rada Michael Harig. "Nimo toho na to skedźbnjamy, kotry wulki wuznam serbske tradicije a kultura maja. Strukturna změna mnohich z nas potrjechi. Jeli zhromadnje kaž tu při Lawskim arealu postupujemy, potom sym nadźijepołny, zo přichodne wužadanja derje zmištrujemy", ta krajny rada dale.